VOK NEUTRAL – Diurnal modern in Idiom Neutral, numr 2 (mars-april 2010)

Finie numr sekund de VOK NEUTRAL es parat! Mi av adyunkted it a seksioni de dokumenti in Yahoogrup pro Idiom Neutral e in Yahoogrup “posta_Mundi”. It es numr bimensik, istfoa pro mars e april, ma mi editav it plu tarde ka mi avav desined. Mi esav multe okuped in mars e april e el fakt esav serte observabl et siloke in mie blog, kause mi mitav artikli vere nemult durantu el temp.

Ma numr sekund es kompletifiked e ya lektabl. Komense mi pensav, ke it avero 4 pagini seme kuale numr prim e mi preparav artikli pro tal granditet. Ma Doro, kel skrib otr blog in Idiom Neutral (“Lingu Neutral”) av traduked narasioni eks lingu german e posteriore mitav a mi 3 tal teksti. Kuande mi adyunktav ili a otr artikli in Vok Neutral, diurnal integr grandeskav usk 8 pagini, kekos gaudi mi multe. Eske numr tert aparero plu bontempe e avero et 8 pagini u ipse plu mult – mi no ankor konos elkos, ma mi esper, ke posible it esero tale.

Ekse kontenad:

– saluti e deskribasion de kontenad
– “Di Jean-Baptiste Poquelin (Molière)”, prepared per mi
– “FANTOMI” (narasion de Dimiter Inkiow, traduked per Doro eks german)
– “Annette a sie amator” (poem de Wolfgang Goethe, traduked per Doro eks german)
– “Voyaji ko Idiom Neutral”: Istanbul (prepared per mi)
– “KOMENTAD” (narasion de Franz Kafka, traduked per Doro eks german)
– “Frasi varios in notr lingu” (istfoa proverbi, prepared per mi)

VOK NEUTRAL es lektabl intr dokumenti de grupi sekuant:

http://tech.groups.yahoo.com/group/idiomneutral/
http://es.groups.yahoo.com/group/posta_Mundi/

e pro personi, keli volu lektar blog de Doro, ekse adres:

http://linguneutral.wordpress.com/

“Skandal in Bohemia” (parti 6)

Il ridav a se aut e frikav sue manui long e nervos yunkte.

“It es simplitet aut”, il dikav; “mie okuli dik a mi, ke interioru votr basbot sinistr, yuste keloke foklum bat it, kuir es kuped per seks kupadi kuasi paralel. Komprendable ili av esed kaused per kelkhom, kel av multe nekurante rased sirka bordi de sole a removar slim krustos da it. Sikause, vo vis, mie dekontasion dupl, ke vo avav esed eksteriore in tempest vilan, e ke vo avav eksempl partikulare malisios de serv bot-fisant in London. Konsernantu votr praktik, if  sinior intr mie kamri odorante kausu iodoform, ko mark negr de nitrat de argent su sue indik-digit dekstr, e konveksitet su flank dekstr de sue silindr-shapó a monstrar, keplase il av okulted sue stetoskop, mi deb esar stupid, vere, if mi no pronunsi il esar membr aktiv de profesion medisinik.”

Mi no potesav sukursar ridasion a fasilitet, ko kel il eksplikav sue prosed de dekontasion. “Kuande mi audi vo donar votr resoni”, mi observav, “kos sempre sembl a mi esar tante ridande simpl, ke mi aut poteserio fasile fasiar it, negligante ke ad omni eksempl suksesiv de votr resonasion mi es perpleksed usk ke vo eksplik votr prosed. E ye mi kred, ke mie okuli es tale bon kuale votri.”