“Skandal in Bohemia” (parti 34)

“MIE SINIOR SHERLOCK HOLMES KAR,

Vo verase fasiav it bene. Vo surprisav mi komplete. Usk moment po alarm de fok,  mi no avav suspekt. Ma posteriore, kuande mi truvav kuale mi avav tradited mi aut, mi komensav pensar. Mi avav esed prekauted kontr vo ante mensi. On avav diked a mi, ke if Reg userio agent it eserio serte vo. E votr adres avav esed doned a mi. Ye, ko ist omnikos, vo lasav mi montrar, kekos vo voluav konosar. Ipse po ke mi deveniav miskonfidik, mi truvav istkos nefasil a pensar male di tal kleran kar, ansian e afabl. Ma, vo konos, mi aut esav eksersed in kualitet de aktora. Kostum maskulik es nokos nov a mi. Mi frekuente prend profit de libritet, kel it don. Mi ekspediav John, fiakrero, a spektar vo, kursav a superiore su skal, sumetav mie ambul-vesti,  kuale mi nom ili, e veniav a inferiore yuste kuande vo partav.

Bene, mi sekuav vo a votr porta, e tale asekurav mi, ke mi esav vere but de interes a Sinior Sherlock Holmes selebr. Posteriore mi, plu volontare neprudente, desirav a vo noktu bon, e vehiklav a Temple a visar mie marito.

Noi omni du pensav, ke remedi leplu bon esav fug, kuande noi es persekued per adverser tante formidabl; ergo vo truvero nid vaku kuande vo veniero posidiurne. Konsernantu fotografad,  votr klient potes esar trankil. Mi am e mi es amed per vir plu bon ka il.  Reg potes fasiar omnikos sine impedi da person, kel il av vulnered kruele.  Mi ten it sole a gardar mi aut sekure, e a preservar arm, kel sempre gardero mi kontr omni pasui, keli il poteserio fasiar in futur. Mi las fotografad, kel il poteserio voluar posesar; e mi rest, Sinior Sherlock Holmes kar,

Multe verase votr,
“IRENE NORTON, née ADLER.” 

Advertisements

The URI to TrackBack this entry is: https://vokneutral.wordpress.com/2010/12/08/skandal-in-bohemia-parti-34/trackback/

RSS feed for comments on this post.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: