“Skandal in Bohemia” (parti 19)

“Mi seku vo presise,” mi respondav.

“Mi ankor ponderav afer in mie intelektu, kuande Hansom-fiakr uskvehiklav a Briony Lodge, e sinior ekssaltav. Il esav vir notable bel-aspektant, obskur, akuilatr, e ko mustaki – klare tel vir, di kel mi avav audied. Il semblav esar in hast grand, il eksklamav a fiakrero a atendar, e kursav visinu serva, kela aperiav porta, ko aria de hom, kel esav plene dome. Il esav in dom sirka demi de hor, e mi potesav kaptar vis de il in fenestri de salon, pasuant a la e retro, parlant ko eksitasion, e undulant sue brasi. Mi no potesav visar ila. Sitempe il aparav, ko aspekt ipse plu eksited ka anteriore. Kuande il pasuav a fiakr, il tirav bras-hormetr aurik eks sue vest-sak e spektav it ferve, ‘Diriga kuale diabol’, il eksklamav, ‘prime a Gross & Hankey’s in Regent Strad, e posteriore a Ekles de Monika Sankt in Edgeware Rut. Demi de guinea, if vo fasi it durantu dudes minuti!’ Ili apoandav, e mi esav kurios, eske mi no deberio sekuar ili, kuande Landau minim net veniav usk via. Sie fiakrero avav mantel sole semi-butoned, e sue kravat sub sue or, durante ke omni strii de sie harnes eksandav eks fibli. It no avav stoped ante ke ila ekskurav eks hal-porta e in it. Mi sole kaptav sie vis in el moment, ma ila esav femin sharmos, ko fas, pro kel vir poteserio moriar. ‘Ekles de Monika Sankt, John,’ ila eksklamav, ‘e demi de soverein if vo atin it durantu dudes minuti’. Istkos esav totale tro bon a perdar, Watson. Mi yuste hesitav, eske mi deberio kursar a it, u eske mi deberio sedeskar ulterioru sie Landau, kuande fiakr veniav per strad. Dirigator spektav dufoa tal klient inferior, ma mi insaltav ante ke il poteserio obyektar. ‘Egles de Monika Sankt,’ mi dikav, e demi de soverein, if vo atin it durantu dudes minuti.’ It esav dudeskuink minuti ante hor desdu e komprendable it esav sufise klar, kekos esav in vent”.

Advertisements

The URI to TrackBack this entry is: https://vokneutral.wordpress.com/2010/05/22/skandal-in-bohemia-parti-19/trackback/

RSS feed for comments on this post.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: