Kualiteti komunik intr Volapük e Idiom Neutral

On dik, ke Idiom Neutral es Volapükid. Si, in kelkun sens it es Volapükid, ma spekta otr Volapükidi e kompara ili.  Mi am omni Volapükidi e mi av multe studied lor struktur, gramatik e paroli. If vo spekt Spokil, Spelin, Dilpok, Dil, Bolak, Bopal, Balta, Veltparl, Orba e otri, vo nemediate observero un kualitet komunik – simile a Volapük ili es nefasile komprendabl ad vis prim. Mi no dik, ke it es mal, kause mi persone am multe tal kualitet misterios in el lingui, ye mi volu monstrar diferens. Kuande on spekt Idiom Neutral, on ordinare potes komprendar teksti skribed in ist lingu. It no es important, if vo es esperantist, idist, novialist, occidentalist e.s., vo potesero komprendar parti grand in Idiom Neutral. Istkos es diferens grand intr Idiom Neutral e Volapük e otr Volapükidi, ma mi desir presentar in ist artikl, kual kualiteti komunik mi av truved intr Volapük e I.N. po mie studi profund de gramatik e diksionar de Idiom Neutral.

1. Adyektiv deb sempre esar posterioru substantiv, kel it deskrib.

In Volapük: zif gretik, bim smalik
In Idiom Neutral: urb grand, arbor minim

2. Omni adyektivi in Volapük fini se mediu “-ik”. Idiom Neutral es plu natural e sie adyektivi potes finiar se mediu literi varios, ye ordinare adyektivi, keli proveni da substantivi resiv finiad “-ik” kuale in Volapük.

In Volapük: men gudik, vilag belik
In Idiom Neutral: hom bon, vilaj montik
(nota eksempl sekund)

3. Parol “ko” es komunik.

In Volapük: Kanitob ko ol. Danüdol ko of.
In Idiom Neutral: Mi kant ko vo. Vo dans ko ila.

4. Parol “ka” et es komunik.

In Volapük: Dom olik binon jönikum ka dom omik.
In Idiom Neutral: Votr dom es plu bel ka sie dom.

5. Parol “if” es komunik in omni du lingui.

In Volapük: If no lärnol Volapüki, no kanol spikön oni.
In Idiom Neutral: If vo no aprend Volapük, vo no potes parlar it.
(nota, ke otr lingui artifisial ordinare av “si” u “se”)

6. Et parol “ye” es komunik in ist du lingui.

In Volapük: Volapük binon fikulikum ka Sperantapük. Ye id ol okanol suemön oni.
In Idiom Neutral: Volapük es plu nefasil ka Esperanto. Ye et vo potesero komprendar it.

7. Parol “ya” es komunik pro Volapük e Idiom Neutral.

In Volapük: Ya äfidob.
In Idiom Neutral: Mi ya edav.

8. Et parol “kel”.

In Volapük: Pösod, kel spikon Volapüki.
In Idiom Neutral: Person, kel parl Volapük.
(nota, ke et Novial us ist parol)

9. Et “no”.

In Volapük: No spikom Veltparli.
In Idiom Neutral: Il no parl Veltparl.
(nota, ke negligante ke ist parol no es kelkkos spesial, ye ordinare lingui artifisial us paroli “ne” u “non”)

10. Et “su”.

In Volapük: Buk binon su tab.
In Idiom Neutral: Libr es su tabl.

11. “u” final in preposisioni derivativ (“ü” in Volapük).

In Volapük: Nilü zif.
In idiom Neutral: Proksimu urb.

 

Advertisements

The URI to TrackBack this entry is: https://vokneutral.wordpress.com/2010/02/02/kualiteti-komunik-intr-volapuk-e-idiom-neutral/trackback/

RSS feed for comments on this post.

One CommentLeave a comment

  1. Mersiad pro ist komparasion interesos!


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: