“Skandal in Bohemia” (parti 9)

“Papir esav fabriked in Bohemia, ” mi dikav.

“Presise. E hom, kel skribav not es germanian. Eske vo observ konstruad partikular de fras – ‘Ist narasion di vo noi av da omni kuartieri resived’. Fransian u rusian no poteserio avar skribed elkos. It es germanian, kel es tale unpolit a sue paroli. It rest sole, ergo, dekuvrar kekos es desired per ist germanian, kel skrib su papir bohemian e prefer portar mask ka monstrar sue fas. E ekse il veni, if mi no er, a resolvar omni nostr dubii.”

Kuande il parlav, noi audiav son akut de ungui masiv de kaval e roti kratant ad pavbord, sekued per tir akut de klok. Holmes fifav.

“Par, son indik it,” il dikav. “Si,” il kontinuav, spektante eks fenestr. “Fiakr minion minim e par de beli. Sent kuinkdes guineai a omni un. Mon es in ist kasu, Watson, if nokos otr es la.”

“Mi pens, ke it esero plu bon, if mi andero, Holmes.”

“Totale no, Doktor. Resta teloke, ke vo es. Mi es perded sine mie Boswell. E istkos promet esar interesant. It eserio damnos, if noi mankerio it.”

“Ma votr klient …”

“No pensa di il. Mi potes avar nesesitet de votr sukurs e tale et potes il. Ekse il veni. Seda in el brasstul, Doktor, e dona noi votr atension leplu bon.”

Pasu lent e pesant, kel avav esed audied su skal e in pasaj, pausav nemediate eksterioru porta. Posteriore on audiav perkut sonor e diktant.

“Intra!” Holmes dikav.

Advertisements

The URI to TrackBack this entry is: https://vokneutral.wordpress.com/2010/01/22/skandal-in-bohemia-parti-9/trackback/

RSS feed for comments on this post.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: