Deo De Guer III veni in mars!

Pobreve omni amatori de seri “Deo de Guer” ko Kratos brutal e nemiserikordos, potesero festar arivasion de Deo De Guer III – ultim in ist seri e semtempe un eks videoludi leplu bon su sistem PS3. Partii prim e sekund esav fasied pro sistem ansian PS2, ma felise in novembr 2009 aparav Deo De Guer Kolektad spesiale prepared pro PS3, kontenant Deo De Guer e Deo De Guer II. Negligante ke ya ante kelk anui mi ludav ferve Deo De Guer, et sitempe, da novembr usk simense mi lud sine sesar omni du partii Deo De Guer e Deo De Guer II eks Kolektad pro PS3. Mi lud sitempe sole ist du ludi a esar bene prepared pro parti ters. Mi av luded ili multfoa e konos omni detalii e sekreti inu ist du ludi. Deo De Guer II es plu long ka parti prim, ma mi am ludar omni du. Mi av et Deo De Guer: Kateni De Olimpus pro PSP. It es plu brev, ma et multe bon. On ya potes imaginar, kuale ekselent esero kualitet grafikal de parti ters!

Ekse omni partii sekuantu dati de lor aparasion:

Deo De Guer (PS2) – 22 mars 2005 in Amerik Nordik, 17 novembr 2005 in Yaponia
Deo De Guer II (PS2) – 13 mars 2007 in Amerik Nordik, 25 oktobr 2007 in Yaponia
Deo De Guer: Tradit (telefon portabl) – 20 yuni 2007
Deo De Guer: Kateni De Olimpus (PSP) – 4 mars 2008: Amerik Nordik, 10 yuli 2008: Yaponia
Deo De Guer Kolektad (PS3) – 17 novembr 2009
Deo De Guer III (PS3) – 16 mars 2010!
Deo De Guer Trilogi Edision Ultim (PS3) – mars 2010!

Version yaponik de Deo De Guer III es desined pro diurn 26 de mars 2010!

Atension! Kratos veni denove!

“Deo de Guer Kolektad” su PS3

Kuande ante kelk anui mi ludav ludi su PS2, un eks mie ludi leplu favored esav “God Of War” (Deo de Guer). Posteriore veniav temp de PS3 e sitempe mi nature delisi  pro eksempl “Call Of Duty Modern Warfare” (Vok de Deb – Guer-art Modern),  “Killzone 2″ (Mortifik-Region 2), “Resistance Fall Of Man (Resistens – Kad de Hom”), “Resistance 2″, “Assassin’s Creed” (Kredad de Asasinator),  “Heavenly Sword” (Gladi Sielik) e otri mult. Pobreve mi volu akuirar Modern Warfare 2, ma in novembr it esav pro mi surpris multe agreabl, ke  ”Deo de Guer” av returned pro esar delisied su PS3. It returnav kuale “Deo de Guer” e “Deo de Guer 2″, istkos signifik du ludi  su un disk e titul es “God Of War Collection” (Deo de Guer – Kolektad). Sitempe mi denove delisi ludasion de Deo de Guer, ma istfoa ko resolusion ekselent  in HDMI de mie TV-aparat. Komprendable in komparasion ko grafik ekselent de Killzone 2 u Call Of Duty Modern Warfare, sie grafik es nemulte plu mal, ma in komparasion ko Deo de Guer original it es multe plu bon!