“Skandal in Bohemia” (parti 32)

“E sitempe?” mi interogav.

“Nostr shershasion es praktike finied. Mi telefonero a Reg posidiurne, e ko vo, if vo volu andar ko noi. Noi esero gided in sed-kamr a atendar siniora, ma it es probabl, ke kuande ila veniero ila potesero truvar ni noi ni fotografad. It poteserio esar satisfaktasion a Sie Mayestet reganiar it mediu sue manui propr.”

“E kuande vo telefonero?”

“In hor okt matine. Ila no ankor levero se, ergo noi avero kamp klar. Ekstr it, noi deb esar rapid, kause ist matrimoni potes signifikar variasion komplet in sie vit e kustomi. Mi deb telegrafar a Reg sine mor.”

Noi atinav Baker Street e stopav ad porta. Il shershav klavi in sue vestsaki kuande kelkhom dikav pasante:
 
“Noktu bon, Sinior Sherlock Holmes.”

Esav kelk homi su pav in el temp, ma salut semblav veniar da yun grasil in mantel long, kel avav hasted visine.

“Mi av audied el vok anteriore,” Holmes dikav, spektante strad mate ilumined. “Sitempe, mi es kurios, ki a diabol elkos potesav esar.”